محافظ الدقهلية لشاب مصاب بـ«فتاء»: «50% من الشعب بيشتكى منه وبيشتغل ويتعب»

المصرى اليوم 0 تعليق ارسل لصديق نسخة للطباعة تبليغ

اشترك لتصلك أهم الأخبار

عنًف الدكتور كمال جاد شاروبيم، محافظ الدقهلية، الثلاثاء، شاب اشتكي باكيا من عدم قدرته على العمل وعدم قدرته على تحمل مسؤولية بيته وزوجته الحامل بسبب إصابته بفتاء في السرة، قائلا له: «أنت تزوجت ليه طالما غير قادر على تحمل مسؤولية نفسك وزوجتك، وربنا بيقول اسعوا في الأرض».

وكان أحد الشباب، عمره 27 سنة، حضر لقاء المواطنين الأسبوعى بحضور القيادات التنفيذية بالمحافظة، واشتكي للمحافظ، قائلا: «أنا مريض ومصاب بفتاء في السرة وعندى فتح استكشافي بطول 10 سم ومش قادر أشتغل وعملت تثبيت قرنية لعيني بمستشفى جامعة المنصورة وعاوز مساعدة علشان أقدر آكل عيش».

وفى البداية، طمأنه المحافظ، قائلا: «متقلقش هنتولى أمر علاجك في مستشفى المنصورة الدولي ونخليك زي الفل ونرخص لك كشك تشتغل فيه»، فرد الدكتور سعد مكي، وكيل وزارة الصحة: «كان عنده ميعادين للحضور لمستشفى المنصورة الدولي لعلاج الفتاء وإجراء العملية ولكنه لم يحضر وأعطيناه جواب على مستشفى الرمد أيضا ولم يذهب»، وقال الشاب باكيا: «أنا مقدرتش أروح من نبروه للمنصورة علشان مش معايا أجرة السكة وزوجتي حامل وتحتاج مصاريف ولادة 5 آلاف، وأنا على خلاف مع مراتي وأمى على طول بسبب مافيش شغل وأنا بدور ومش عايز أمد إيدي لحد».

وانفعل المحافظ، قائلا: «أنت بتبكي ليه أنت كويس وعندك 27 سنة يعنى في بداية حياتك، ولما أنت مش عايز تشتغل اتجوزت ليه يعنى مثلا أنا شاب مش قادر أعيش ولا أعيش واحدة معايا وأتحمل مسئوليتها أتجوز ليه، أنت زى الفل والفتاء اللى بتشتكى منه ده 50% من الشعب المصرى بيشتكى منه وبيشتغل ويتعب وربنا قال اسعوا في الأرض، لكن أنت مبتشتغلش ومراتك مبتشتغلش هتعيشوا إزاى ده أنت لو وقفت تبيع جرايد هتكسب وتجيب مصاريفك».

وأضاف شاروبيم: «هنحدد لك ميعاد لعلاجك في المستشفى بس لو سمحت لازم تروح علشان تعمل العملية وبعدها هنساعدك بالكشك لكن لازم تشتغل وتتحمل المسئولية»، ووجه وكيل وزارة الصحة: «خلى مدير مستشفى نبروه يعطيه 10 جنيه قبل ميعاد المستشفى علشان ييجى بها في الميعاد».

وعلى صعيد آخر، وجه المحافظ بتوفير فرصة عمل لنجل رجل مسن لمساعدته في تحمل مسئولية المنزل وأحفاده الأيتام بعدما أكد أنه فقد ولدين في حادث ويعول أبنائهم.

وأضاف المحافظ: «عايزين نوفر لك دخل لتعول أحفادك وأبناءك ولوإبنك بيعرف يسوق ممكن نوفر له فرصة عمل في شركة وأحفادك سنتحمل مصاريفهم الدراسية بالكامل»، ووجه بتوفير معاش ضمان اجتماعى لهم.

ملحوظة: مضمون هذا الخبر تم كتابته بواسطة المصرى اليوم ولا يعبر عن وجهة نظر النفيس وانما تم نقله بمحتواه كما هو من المصرى اليوم ونحن غير مسئولين عن محتوى الخبر والعهدة علي المصدر السابق ذكرة.

أخبار ذات صلة

0 تعليق